Kynmaw burom ka ri ia ki shipai ba iap haka thma Kargil

Syllad | The Rising MeghalayaJuly 26, 2021

Ki shipai ha Jylla kila snohkti bad ka ri baroh kawei ban kynmaw burom ia ki shipai kiba la pha iaka jingim haka thma Kargil kaba la jia ha u snem 1999 naduh 3 tarik Lber haduh 26 Naitung. Kane ka jingkynmaw burom kadei halor ka jingjop ka ‘Operation Vijay’ kaba la sdang na ka bynta ban iakhun iaki shipai Pakistan kiba rung jubor ha Kargil, hynrei ki shipai ka ri kila iakhun haduh ban da jop ia kane ka thma.

Mynta ka kynti kaba dei ka lyngkhuh snem ba 22 jong ka Kargil Vijay Diwas, u Myntri Rangbah ka Jylla Conrad K Sangma, Lt Gen KC Panchanathan, AVSM, GOC 101 Area kila buh syntiew ha u mot u Capt KC Nongrum, MVC (P) bad Maj David Manlun, KC (P), ki ar ngut ki riewshlur ka Meghalaya kiba la pha iaka jingim ha Rhino Heritage Museum, Shillong.

U Myntri Rangbah ula iakren bad phylliew jingmut bad kiba haiing kine ki ar ngut ki riewshlur kiba don lang ha kane ka sngi.

Kham hadien u Air Marshal Amit Dev, AVSM, VSM, AOC-in-C Eastern Air Comd, Lt Gen KC Panchanathan, AVSM, GOC 101 Area bad Lt Gen PC Nair, AVSM, YSM, DGAR kila buh syntiew ha Rhino Prerna Sthal, Shillong ban klynmaw burom ia kine ki riew shlur.