Kynnoh ba ktah kti bad knieh pisa ki nongialam shnong ha Musniang: JHADC Election

Syllad | The Rising MeghalayaFebruary 27, 2019

JOWAI: Haka jingshongshit politiks, la kynnoh ba u Waheh Shnong jong ka Shnong Musniang u Ma Nangtei Siangshai, Secretary Shnong Pynshaitlang Bareh bad ki nongshong shnong kiba kyrteng Elad Rymbai, Sambha Dkhar, Seisoh Dkhar, Kyrmen Siangshai bad Nangtrei Phawa ki la pyrshang ban thombor ia u kyrtong shimet jong ka Musniang Rangad u Ma Piwel Shylla hynrei u la lait thaw na ka shah ktah kti jong ki  namar ba u la ioh iaid shakhmat hynrei shah shoh kylla u nongkyrshan jong u.

Katei ka jingjia ka la jia ha Polling Station jong ka Musniang Rim & Musniang Thymmei haba u Ma Piwel u la wan sha katei ka jaka ban jurip ia ka jingthep vote bad u la ong ia u Waheh Chnong ba ki paidbah ki dei ban ioh thep vote da ka mon laitluid khlem kano kano ka jingpynbor bad ka la mih ka jingkawang ktieh kaba jur hapdeng jong ki.

U Ma Piwel u la iaid noh shakhmat na katei ka jaka bad u Waheh Chnong bad arngut ki nongshong shnong ki la ioh bat ia u Tyrsain Siangshai uba long u nongbud jong u Piwel bad ki la shoh ia u bad  ula mynsaw malu mala.

Hadien katei ka jingjia, u Ma Siangshai u la leit ai jingujor ha Lad Rymbai Outpost pyrshah ia utei u Waheh Chnong bad kitei ki ngut nongshong shnong bad u la kynnoh ba ki la shoh ia u bad knieh ia ka pisa 10 hajar tyngka na ka jaket jong u.