Kynnoh ba pynkhein u MLA Mowkaiaw iaka Lockdown

Syllad | The Rising MeghalayaApril 13, 2020

Uwei u Samla ba kyrteng u Justice Paul Lyngdoh haka facebook jong u, ula kynnoh ba u MLA jong ka Mowkaiaw u Nujorki Sungoh ula leit tong doh um haka kynta jong ka Lockdown naka bynta ban iakhun pyrshah ïaka khlam COVID-19.

Une u samla ula kynthoh ba ki paidbah na katei ka thain ki im haka jingjynjar namar ba kyrduh bam naka daw ka lockdown, hynrei une u MLA haka jaka ban iarap ïaki paidbah ka thain kiba shah ktah haka Lockdown, ula leit tong doh um pynban ha kawei na ki wah kaba don ha Maitdein.

Ula ong ruh ba kiwei ki MLA ha ri Khasi bad katto katne ha Jaintia kila sdang ban iarap iaki paidbah da ka MLA skim ka jong ki khnang ban kham pynsuk iaki paidbah ban ioh marbam mardih, katba une u MLA um bun kam lajong.

Ka Video kaba la ring ia une u MLA haka por ba tong doh um bad bat iaka lakang kala saphriang ha kylleng lyngba ka facebook bad whatsapp.