Kynnoh ka FKJGP ba kiew kynsan ka bai bording ha War Jaintia

Syllad | The Rising MeghalayaJuly 13, 2021

Ka FKJGP War Jaintia Circle ka la leit ia kynduh ia u Assistant Executive Engineer ka MeECL ha ophis trei kam jong u ha Amlarem haka sngi Nyngkong halor ka jingkiewdor kynsan ka bai thang bording ki paidbah ha Amlarem Sub Division.

U General Secretary FKJGP War Jaintia Circle, Reachingson Kongwang ula ong kane ka jingleit iakynduh ia une engineer ka long hadien ba ki paid nongsiew bill light hapoh ka thain kila ud la nam halor ka jingkiew kynsan ka bill light kaba long arshah.

Ula ai nuksa ba ka bill kaba ju poi barabor kaba T.231 kala kiew shaka sha ka T.463 ha ka shi bnai. 

La lap bad kynnoh ba ka don ka jingthurmur haka rukom pynkiew ia ka bill kaba ju siew tang T.180 ha ka shi bnai kala kiew syndon sha ka T.7638 hadein ar bnai.

U Reachingson Kongwang ula ong kane ka jingkiew ka bai thang bording kala pynlyngoh bad pynbitar ia ka FKJGP bad ki paidbah jong ka thain namar ka tnad MeECL kam pyrkhat ia ki paitbah khamtam ha kum kane ka por khangdam ba kim lah hi ruh ban kamai kajih.

Ka FKJGP kala ong ba MeECL ba dei peit iaka Amlarem Sub  Divisional kila kular ban shimkhia bad pynbeit ia kane ka jingeh u paidbah.