Kynnoh ka FKJGP T.1500 siew ki bar jylla ban ioh long trai shnong ban ioh Aadhaar ha East Jaintia Hills

Syllad | The Rising MeghalayaOctober 13, 2021

Ka Federation of Khasi Jaintia and Garo People (FKJGP) East Jaintia Hills kala kynnoh ba kiba bun ki bar jylla kila ioh syrnod trai shnong ha kawei ka shnong ha East Jaintia Hills naka bynta ban pynrung kyrteng Aadhaar tang kaba siew T.1500 sha u nongshon Aadhaar.

Ka FKJGP kala kam ba kala lap katto katne ngut ki bar jylla kila ioh Aadhaar card khlem ki kot ki sla kiba biang ban pynshisha ia ka jaka shong jaka sah jong ki, hynrei tang da kaba siew T.1500 iaki nongshon dur Aadhaar kila ioh ban pynrung kyrteng Aadhaar.

Katkum ka jingkynnoh ka FKJGP kane kala jia haka shnong Thangskai, East Jaintia Hills District.

U President ka FKJGP-Khliehriat Circle M Chyrmang haka jingiadonlang ki nongialam shnong ka Thangskai kila ujor sha u Deputy Commissioner East Jaintia Hills halor ka jingioh Aadhaar card pathar ki bar jylla hapoh ka District khlem ki kot ki sla kiba biang bad ka jingai permanent address (jaka sah ba pura) hapoh jong ki shnong ki thaw jong ka district.

Ka FKJGP kala dawa na u DC ban pyndam ia ki Aadhaar kiba la dep ai sha kito ki bar jylla kiba la dep pynrung kyrteng bad kam trai shnong ha ki shnong kiba don hapoh ka district.

Kala dawa ruh ban pynshitom ia kito ki nongshon Aadhaar ba shim pisa ban leh ia kane ka kam beaiñ.

Halor kane nakaliang u DC ula kular ban shimkhia bad ban ai jingthoh sha ka UIDAI.