Kynnoh ka HNYF ba jur ka jingshalan khaw tuh sha Bangladesh

Syllad | The Rising MeghalayaJanuary 10, 2021

Ka Hynniewtrep National Youth Front (HNYF) Southern Riwar Circle Dawki kila ioh bat ia ki katto katne u khaw ba thmu ban shalan sha Bangladesh lyngba ka shnong Riahjalong, ka shnong kaba don ha khappud India Bangladesh.

U president bad secretary HNYF u T Lymba bad u L Lamin kila iathuh ba kila ioh kurup ia une u khaw bala thmu ban shalan sha Bangladesh bad kila mudui daka jingujor ha Dawki Police Station bad aiti ia u khaw sha ka tnad Custom.

Ka HNYF kala kynnoh ba da ki phew phew byrni bad ki phew trok manla ka sngi u khaw u hiar tuh sha Bangladesh lyngba ka Lyngkhat, Pyrdiwah, Dawki, Bakur Riahjalong ter ter shaduh Muktapur bad kiwei kiwei.

“Wat hadien ba ngi la maham bad kyntu iaki paidbah ban sangeh iaka jingshalan tuh, hynrei kane ka kam beain kala nang jur bad kim banse ban mih shakhmat ban kem ia u khaw uba thmu ban shalan bad ngi la aiti sha ka bor jong ka aiñ,” la ong u Lymba

Ka HNYF kala buh iaki volunteer jong ka ha manla ki shnong bad la kyntu ia baroh ki briew kiba donkti ha kine ki kam beaiñ ban sangeh shisyndon khnang ba u dap u thap u kup shi liang  sem shiliang kin lait  n aka jingeh ki jingjar ha ki ne ki sngi ban sa wan,” ong u Lymba.