Kynnoh ka HYC ba lap bun ki suba Bangladesh haka jingkhynra Trading License ha Dawki
JOWAI: Ka seng Hynñiewtrep Youth Council (HYC), War Jaintia Circle bad Jowai Circle kala pynlong ka jingkhynra ia ki Trading License bad Labour License haka shnong Bakur bad Dawki bad la lap bun ki suba nong Bangaldesh kiba ym don kot don sla ba biang ban khaii pateng.
Ka HYC haka 4 tarik une u bnai haka jingïalam u General Secretary HYC-JC samla Roaming Lamare, President HYC-WJC samla Yoohunki Shylla, Organizing Secretary Meshwa Khongiong bad kiwei kiwei ha ryngkat ka jingiatreilang ki rangbah shnong kila leit ban khynra trading license bad labour license ïaki bar jylla kiba khaii pateng ha kitei ki shnong kiba don ha khappud India Bangladesh.
La lap bun tylli ki dukan bar jylla kiba ym don ïa kitei ki license bad la ka HYC kala khang tala ïaki dukan jong ki. Don pat kiba don license ruh kim shym la pynthymmai bad katba ha ki dukan ba pyniaid ki trai jylla bun ngut ki nongtrei bar jylla kim don ia ka labour license.
Ka HYC kala kynnoh ba bun ki suba nong Bangladesh kila shongdie bad khaii dohkha hapoh ka Iew Dawki khlem da don kino kino ki kot ki sla ba biang.
Ka HYC ka ong ba District Council ka don ïaka aiñ ban tehlakam ïaka jingkhaii beaiñ ki bar jylla katkum ka aiñ Trading by Non-Tribal, hynrei la lap ba kane ka aiñ kaba pynkup bor ïaka konsil kam myntoi eiei namar ba da ki spah spah ngut ki bar jylla bar ri ki khaii pateng ha kane ka thain khlem ki kot ki sla bad ka konsil ka shu duh ei ïaka khajna ba ka dei ban ioh.
Facebook
Instagram
Youtube
Twitter
Leave a Reply