Kynnoh ka JSU ba kiew ka bai thang bording ha rilum Jaintia, ujor sa u SE ka MePDCL

Syllad | The Rising MeghalayaAugust 22, 2020

Ka Jaintia Students’ Union (JSU) kala leit ban iakynduh ia u Superintending Engineer MePDCL, Jowai u ma M Patlong ban ujor halor ka jingkiew ka bai thang bording ha rilum Jaintia haka sngi Thohdieng.

“Kane ka jingkiew ka bai thang bording kalong naduh na sor haduh nongkyndong bad kala ktah ha shitkatdei eh iaki paidbah ban siew bai bording ha kum kane ka por ba hiran ka ioh ka kot. Bun ki longiing kiba pyndonkam bording, kaba ka bai bording kaba ki ju siew ka long hapoh 1000 mynta ki hap siew kala kot da ki phew hajar tyngka haki thain nongkyndong,” la ong ka JSU.

Ka JSU kala ban jur ia u SE ka MePDCL ban shimkhia ban peit halor kane ka jingkiew ka bai bording bad pynbeit iaka jingthurmur halor ka jingsam iaka bill ban lait u paidbah ban shah ktah. Na kaliang u SE ruh ula kular ban shimkhia ban peit bad ban pynbeit ia kane ka kam.

Kane ka jingkiew ka bai bording ka kynthup ha baroh ar district ka East bad West Jaintia.

Ka JSU kala leit ai ia kane ka dorkhat ha u SE haka jingialam President JSU Lawyerson War, Treiborlang Suchen President Shillong Circle, Dapmian Suchiang President Laskeiñ Cirle, N. Mukhim President Nartiang Circle bad kiwei kiwei ki dkhot.

Ka JSU kala ong ruh ba shen kin iakynduh ia u myntri ka tnad bording ban ujor sha u halor kane ka jingkiew kynsan ka bai bording bad ka rukom thung kam thungjam ha MeECL khlem ka jingkhot advertistement.