Kynnoh ka JYDS ba shim kabu ki kali kamai, ujor sha u DC

Syllad | The Rising MeghalayaOctober 10, 2020

Ka Jaintia Youth Development Society (JYDS) haka sngi Thohdieng hapoh ka jingialam Damanleki Lathong president JYDS ryngkat ka jingiadon lang u genral secretary u Kmenlang ki o Dhar ki la leit iakynduh  ia U Deputy Commissioner (D.C) ka West Jaintia Hills District halor ka jing kiew palat ka dor bai kali kamai.

Ka JYDS hadien ba ka la ioh shibun ki jing ujor na ki paidbah nongleit nongwan ba ki pynpaw ia ka jingeh kaba ki ia kynduh ha ka jingiadei bad ka jingkiew palat ka dor bai kali khamtam ha kane ka por ba hiran bha ka iew ka hat ka kamai kajih.

Ki Nongialam jong ka JYDS ki la pynpaw ba hadien ba ka sorkar ka la pyndam noh ia ka jingiaid ki kali da ki odd/even numbers, ki la pynpaw ia ka jing sngew bynniaw shikatdei eh namar ba haduh mynta ka bai kali kamai ka dang neh kumjuh kumba ki juh shim arshah (Double) ha ka por ba ka sorkar ka dang phah ban iaid da ki odd bad even number.

Kane ka jingshim kabu jong ki kali kamai ka la buh jingeh shisha ia ki nongleit nongwan khamtam ia ki ba duk ba rangli ki ba shem jingeh ha ki ba bun ki liang.

Kumta ha ka jingleit ia kynduh ia u DC na ka liang jong ka Society ka la ai u da ka jingthoh ha ka ba iadei bad kane ka bynta. Ka Society kala kyrpad ruh ia u DC ba un sngewbha ban shimkhia ia kane ka bynta khnang ba kan ym buh ha ka jingeh ia ki nongleit nongwan khamtam ia ki baduk ba rangli.

Naka liang jong u DC ula pynpaw  ha ki ne ki nongialam ba un sa shimkhia ia kane ka kam bad u la ong ruh ba un sa khot ia u District Transport Officer (DTO) ban ia pynbeit ha ka jingiadei bad kane ka jingkiew palat ka baikali kamai.