Kynnoh ka KSU ba pynlip iaki jingthoh ba kdew iaki skim ba pyntrei ka sorkar jylla ha Malidor

Syllad | The Rising MeghalayaDecember 16, 2021

Ka KSU Narpuh Circle kala kynnoh ba don ki briew kiba ym lah satia ban ithuh kila pynlip iaki jingthoh (signage) kiba kdew iaki skhim ba pyntrei ka sorkar Meghalaya ha Malidor, ka jaka kaba long khappud hadpeng ka Assam bad Meghalaya.

Ka KSU kala kynnoh ba kine kiba pynlip ki dei ki nongshun barieh kiba don jingthmu ban kyntur pud khamtam ha kum kane ka por ba dang iaid ka jingiappynbeit pud hapdeng ka Assam bad Meghalaya.

U President KSU Narpuh Circle u KS Suchiang, ula ong ba ia kane ka jingpynlip iaki jingthoh kiba kdew iaki skim kiba pyntrei ka sorkar Meghalaya la sakhi da ki katto katne ngut ki samla na Ratachera. Kine ki jingthoh paidbah kiba kdew iaki skim ki kynthup iaka SSA, MGNREGA bad kiwei kiwei ki jingtei ba pyntrei ka sorkar Jylla.

La kynnoh ba kane ka jingpynlip iaki jingthoh ka pynsuba jur ba kadon kaei kaei sha lyndet halor ka kam pud kam sam.