Kynnoh ka KSU ba shah pynjot ka bri kwai ha ka shnong Khasi ha Khajura, Assam

Syllad | The Rising MeghalayaAugust 19, 2019

JOWAI: Ka KSU Barak Valley Circle kala kynnoh uwei u nongtrei forest guard ha Hailakandi District, Assam ula thombor ïa kawei ka jaka rep kwai jong ki Khasi ba shong ba sah ha ka shnong Khajura.

La kynnoh ba kane ka jingjia kala jia haka sngi Saitjaiñ ha kaba utei u forest guard ula pom bad jynrat naphang ïaki dieng kwai da hajar tynrai ha katei ka shong.

Ka KSU kala kynnoh ba u ne u forest guard khlem ka jingtip ki nongialam shnong katei ka shnong Khajura ula leit hiar sha ka jaka rep kwai bad jynrat naphang iaki dieng kwai kiba dang sdang khie lung bad ula ong ba la phah ia u da ki bor ba halor jong u, hynrei kaba lyngngoh haba ka KSU Barak Valley ka pyrshang tohkit kala lap pynban ba ula leh ïa kane ka kam ba u kwah ban kam trai ïa katei ka jaka ba sei soh ha katei ka shnong.

Ka KSU Barak Valley ryngkat bad ka BVKJWA marsien ïoh jingtip ïa kane ka khubor kala hiar sha katei ka shnong Khasi haka sngi U Blei bad lap ba ka jingjulor jong ki dieng kwai kaba ki shnong Khasi ki im jakpoh na une u jingthung.

Hadien kane ka ki nongialam ka KSU bad BVKJWA kila mudui ïaka jingujor ejhar hakhmat u OC ka Katlicherra bad dawa ban kem mardor ïa utei u forest guard bad ban pynshitom katkum ki kyndon jong ka aiñ.