Kynnoh pom pathar ki Karbi iaki khlaw ha Khanduli

Syllad | The Rising MeghalayaJune 27, 2023

Ka Dorbar shnong Khanduli haka sngi ba Ar kala leit ban ujor sha u Deputy Commissioner, West Jaintia Hills halor ka jingpom dusmon ki riew runar iaka khlaw shnong ka Khanduli haka jaka kaba la tip kum ka Samynthoo.

Katkum ka jingujor, ka Dorbar Shnong Khanduli kala kynnoh ba ki ki briew na ka jaidbynriew Karbi kila pom pathar ïaki dieng haka 22 tarik Jylliew ryngkat ka jingsynrang lang ki pulit jong ka Assam bad ki sengbhalang (KSA) na West Karbi Anglong.

U Waheh shnong u Yooshida Nongspung ula ïathuh ba katei ka khlaw kaba dang hap hapoh u pud u ang jong ka Dorbar shnong Khanduli ka dang hap ruh hapoh ka jingpeit jong ka Jaintia Hills Autonomous District Council (JHADC) bad ka don ïaka Land Holding ba pura.

Ula ïathuh ba ka liang ka shnong kam tip na kaei ka daw ki briew na Karbi ki wan ban pynjulor ïa kane ka khlaw kaba ki ju pyndonkam man la u snem.

Haba kyntu iaka bor synshar district, u Waheh Shnong ula kyrpad ia u DC ban shimkhia ban tuklar ia kane ka jingjia khnang ban lait na kino ki jingklumar hapdeng ki shnong ha ki jaka khappud khamtam ki Pnar bad Karbi.