Kynnoh pyniap dusmon u kpa iala i khun ha khappud India Bangladesh

Syllad | The Rising MeghalayaMay 16, 2020

Uwei u briew ula shah kem ha ki Pulit jong ka Muktapur PP, Amlarem Sub Division halor ka jingkynnoh donkti ban pyniap iala I jong I khun ba dang 1 snem tam haka shnong Amlanai, ka shnong kaba hap ha khappud India Bangladesh.

Ka khubor kaba iohlum ka iathuh une u briew uba shah kem u dei u Wanpyntngen Langshiang (23).

La iathuh ba kane ka jingjia kala jia haka miet sngi Palei 14 tarik une u bnai haka por 7 PM haka shnong Amlanai. Une u Wanpyntngen uba la shah shoh ha u khawyiang ba ula mad ula bom la shoh bad khniot na ryngdang ia u khun haduh ba u khlad ha juh.

Kane ka jingjia kala jia haka sngi Palei bad ki pulit ki dang ioh jingtip haka sngi Thohdieng.

Mar mar kila leit kem ia une u briew bad kila rah sha iingbishar mynta ka sngi, katba ia i khunlung kila shimti ban pyndep iaka jingdonkam jong ka aiñ Ialong Civil Hospital

Halor kane ka la register ruh iaka case ha Dawki Police Station katkum ak kyndon aiñ katkum ka section 302 IPC.

Ha kawei pat ka jingjia uwei u briew uba la 32 snem ka rta ula bthah jubor iala ka jong ka jingim hala ka jong ka iingsah ha ka shnong Hawai Sutnga, kaba hap Muktapur PP kaba hap hapoh ka Dawki Police Station.

Kane ka jingjia ruh kala jia haka 14 tarik haka por ba ka lok bad ki lai ngut ki khun jong u ki don ha ka iing kiba ha iing bad la lap pat ba ula bthah jubor iala ka jong ka jingim hynnin ka step. Ki pulit kila pyndep iaka jingdonkam jong ka aiñ bad la aiti iaka metiap sha kiba iing.