Kynnoh shah maham beh kam 56 ngut ki nongtrei JHADC

Syllad | The Rising MeghalayaOctober 17, 2019

JOWAI: Ki 56 ngut ki nongtrei jong ka Jaiñtia Hills Autonomous District Council (JHADC) kila byrngem ban ujor mukotduma lada ki shah beh trei ha ka Executive Committee kaba ialam u ma Thombor Shiwat, Chief Executive Member jong ka JHADC.

Kine ki nongtrei kila kynnoh ba u CEM JHADC, u Ma Thombor Shiwat ula maham ban beh kam noh ïa kine ki 56 ngut kiba la thung haka por u CEM barim ka JHADC u ma MB Rymbai kiba la kam ba la thung katkum ka Budget Provision 2018-19.

Kila kynnoh ruh ba wat u ma Thombor Shiwat haka por ba u bat kum u CEM JHADC naduh 2014-18 ula thung kam sop sop haduh 180 ngut ki nongtrei bad dei namar kane ka daw ba lada ki 56 ngut ki shah beh kam kila rai ujor da ka mukotduma ha iing bishar pyrshah ia u CEM JHADC bad ka konsil baroh kawei ban dawa iaka hok jong ki.

Kine ki nongtrei kila kynnoh ruh pyrshah ïa u ma Thombor Shiwat ba ma u ruh ula thung 180 ngut ki Nongtrei haki snem 2014,2015,2016,2017 bad 2018 khlem jingpynbna paidbah bad kiba la pynbna ruh ka dei tang na ka bynta ki 10 tylli ki post ba lait thylli 29.10.2015 bad 1.06.2016.