Kynnoh shah shoh ki nongialam shnong ba pyndam iaka NOC Coke Factory ha Lumbangla

Syllad | The Rising MeghalayaJanuary 11, 2022

U waheh shnong jong ka shnong Lumbangla u Ma Heiplanmi Lyndoh ujor sha u Superintendent of Police, East Jaintia Hills District halor ka jingkynnoh ba ki pulit kim shym la leh eiei halor ka jingshah shoh pynmynsaw iaki nongiala shnong ka Lumbangla, Elaka Nongkhlieh hadien ka jingpyndam iaka NOC ban seng karkhana Coke Factory ha kane ka shnong.

Katkum ka jingujor u waheh shnong la kynnoh ba haka 02-12-21 haka por 7:45 janmiet saw ngut ki briew kiba kynthup ïa u Syrpai Sukhlain, ba na Shnong Thymme (Nongkhlieh), Ebor Sukhlian na Moolasngi, Tre Sukhlain na Moolasngi bad Pynshngain Sukhlain ba na Khaidong Village kila wan shapoh shnong Lumbangla da kawei ka kali maruti gypsy bad thombor iaki nongialam ka Dorbar shnong da ki nar bad ki dieng sawdong.

U  Secretary shnong u Ma Niwan Langchiang ula mynsaw jur bad la pynkit ïa u sha Hospital bad kiwei pat ki la lait im da ka said hadien ba kila ioh phet rieh sha khlaw. La kynnoh ba kine ki sawn gut kila , kila maham ruh ïaki nongshong shnong.

Halor kane ka jingjia la dep ban mudui iaka jingujor ejhar hakhmat ki Pulit jong ka Saipung Polcie Station bad la resgister ruh iaka case katkum ka case no Khliehriat PS 05 (12) 2021 U/s 506/323 IPC.

Shuh shuh ha kane ka shithi kaba ula ujor u Heiplanmi sha u SP la kynnoh haka 22 tarik u bnai Nohprah 2021 haka por 10.00 baje mynmiet, la kynnoh ba kine ki juh ki saw ngut ki briew kila wan biang da maruti gypsy kaba don u no ML 04 9390 bad rah ryngkat ki nar bad kiwei ki tiar pynmynsaw bad wad iaki nongialam shnong da ka jingthmu sniew iaki bad ia kane ka jingjia ruh ka dorbar shnong kala dep mudui iaka ejahar, pynban haduh mynta ym shym la kem ia kine ki saw ngut ki briew.

U Waheh shnong ula ong ba kadaw ba mih kane ka jingjia kadei hadien ba u Milan Paslein waheh shnong barim ula ai NOC sha uwei u briew uba tip kum u Syrpaibha Sukhlain bana Shnong Thymme uba don jingthmu ban shna iaka coke factory ha ka jaka kaba tip kum ka Kremlangshait Luiti Khretadong ryngkat bad u Ma Kilometre Lytan MDC barim ka JHADC khlem ka jingtip jong ki nongshong shnong.

La kynnoh ba u Syrpai bad ki briew jong u kila leh ia kane ka kam pyrshah iaka nongialam shnong hadien ba la shah pyndam ka NOC.

Ka Dorbar Shnong Lumbangla kala kyntu ia u SP East Jaintia Hills District ban shimkhia halor kane ba bad pynshitom ia kine ki briew khnang ban iada iaki nongshong shong na kano kano ka jingjia kaba sngewsih.