Kynriah tarik pynlong North East Olympic Games ka sorkar

Syllad | The Rising MeghalayaSeptember 15, 2022

Ka sorkar ka la rai ba kan kynriah noh kham shadien haba iadei bad ka jingthmu ban pynlong ia ka North East Olympic Games 2022.

Haba kren bad u bah Banteidor Lyngdoh u iathuh ba ka jingkynriah ia ka sngi ban pynlong kan dei noh sha ki tarik ba kham shakhmat u nai Naiwieng.

 “Ngi la shong jingialang hynne ka sngi bad dei ha kane ka jingialang ba na ka liang ki ophisar ba la pynkhamti ban khmih bad ban pynbit pynbiang ia ki kam ki jam baroh, ki sngew ban ai jingmut sha ka sorkar, ba kan bha ban kynriah ne rah noh kham shadien ia ka tarik ban pynlong ia kane ka lympung ialehkai, namar ba ki tarik kiba la dep ban pynbna ha kaba sdang  ki long ki Tarik ne ki sngi kiba khim bha” la pynpaw u bah Banteidor.

Shuh shuh u la ong ba ka jingai jingmut na ki ophisar ka long ba lada long kaba lah kan bha ban kynriah noh kham shadien katta ha ki khmat tarik ba kham shakhmat jongu Naiwieng, kaba ha kum kane ka por, lehse ki jingpynkhreh pynkhrum ne pynbit pynbiang, kin long kiba la biang bad kaban don jingktah eiei ia ka jingpynlong ia ki jingiakob ne ia ki nongialehkai kiba wan ban iashim bynta na ki jylla ki thain shatei lam mihngi.