Kyntait ka JHADC ban ai jingbit iaka karkhana dewbilat thymmai bad ym pdiang lynti rel ha rilum Jaintia

Syllad | The Rising MeghalayaAugust 8, 2023

Ka Jaintia Hills Autonomous District Council (JHADC) hapoh ka jinglam khmat u ma Thombor Shiwat kum Chief Executive Member (CEM) JHADC kala kyntait mardor ban ai jingbit ne NOC ban tei iaka karkhana dewbilat thymmai – ka MegaBond Cement bad ban pynpoi lynti rel ha East Jaintia Hills District.

U president ka Hynniewtrep Integrated Territorial Organization (HITO) East bad West Jaintia Hills District, u Deibormi Rymbai ula pynpaw ia kane hadien ka jingwan iakynduh ia u CEM Ma Thombot Shiwat haka sngi Nyngkong.

U Deibormi ula ong baka jingleit iakynduh kalong hadien ka jingioh jingujor na ki paidbah ka thain halor kane ka karkhana thymmai bad lynti rel.

U CEM JHADC u ma Thombor Shiwat u la kubur baka don ka company kaba thymmai kaba la wan mih sha ka JHADC ban pan NOC, hynrei naka liang jong ka council kala kyntait bad kala bthah ba Kan pynbiang shwa ia baroh ki jingdon kam bad ki kot ki sla bad hadien yn sa bishar bad yn rai la yn pdiang ne kyntait iaka jingpan jong katei ka company, la ong une u nongialam ka HITO.

Ha kaba iadei bad ka jingthmu ban pynpoi lynti rel haduh East Jaintia Hills District, ula ong ba naka iang u CEM kumba ka long mynta ka JHADC hi kan nym pdiang iaka lynti rel bad kala don ka committee kaba khmih ia kane ka kam bad nakaliang ka konsil hi kam pat don kano kano ka jingiakren hakaba iadei bad ka lynti Rel.