Kyntait ka MPCC iaka jingdawa ka Khliehriat Block Congress phet seng bun ki dkhot

Syllad | The Rising MeghalayaFebruary 3, 2023

Ka Khliehriat Block Congress Committee, East Jaintia Hills District hapoh ka jingialam jong u Ma Remistar Dkhar bad U Ma Chrispin N Dkhar hadien ka jingbymseisoh ka jingiakren bad u president ka MPCC, u Ma Vincent H Pala halor jingdawa jong ban weng iaka kyrteng jong ka Kyrtong naka party Congress na 6-Khliehriat Assembly Constituency kila rai ban mih noh na ka Congress.

Kine ki ar ngut ki nongialam kila kam ba da ki spah ngut ki dkhot ka Congress kila rai ban phet seng namar ka jingleh bymsuidniew u nongialam ka MPCC ban sngap iaka jingdawa ki dkhot na Unit, Circle, Youth Congress, Mahila bad Block.

Ki dkhot ka Congress na Khliehriat Assembly Constituency kila khot iaka jingialang kyrkieh haka 2nd Feb (Rymphang), 2023 bad kila shim iaka rai ban mih shisyndon noh naka party Congress. Ha kane ka juh hi ka sngi la phah iaka shithi mih noh (resigned)sha u President Ka MPCC.

Ka daw ba kine ki dkhot ka Congress kila mih kadei hadien ka jingpynbna iaka kyrtong na 6-Khliehriat Assembly Constituency khlem da iasyllok shwa bad ki nongkitkam jong ka block.

U Remistar ula ong ba ka Jhanika Siangshai kala dep ban resigned naka party Congress haka 23 August, 2022 bad kala join sha ka NPP haka 11 Sept, 2022 bad kila pynpaw iaka jinglyngngoh kumno MPCC ka buh kyrtong daka briew kaba dang dei jong ka NPP (District President Mahila NPP). Ula ong ruh ba kane ka jingleh ki heh ka MPCC ka dei khlem ka jingsyllok bad ki nongtrei party ha Khliehriat.