Kynnoh kyntait U PIO Jowai Municipal Board ban jubab iaka RTI, apil u KL Pariat sha u CIC

Syllad | The Rising MeghalayaJune 24, 2021

U ma KL Pariat u nongshong shnong jong ka Iawmusiang uba long ruh uwei na ki nongialam jong ki synjuk Muster Roll kumjuh u nongialam ka kynhun Iada Wah Myntdu kaba la tip kum ka Khooid Ya Ka Wah Myntdu ula rai ban apil sha u State Chief Information Commissioner jong ka Jylla hadien ba um shym la ioh iaka jubab RTI kaba ula pan na u PIO jong ka Jowai Municipal Board (JMB).

U ma KL Pariat ula ong katkum rukom haba don mano mano ba pan iaka RTI ne ka hok ban ioh jingtip na kano kano ka tnad ka jubab ba ki dei ban ioh na u PIO kalong hapoh 30 sngi, hynrei wat hadien bala kut ka 30 sngi, um shym ioh iaka jubab RTI.

“Kumta kane ka jingbym ioh jubab jong u na u PIO ka JMB kala pynlong ia nga ban shim iaka rai ban apil sha u CIC ban ioh iaka rai jong u,” la ong u KL Pariat.

Kine harum ki long ki katto katne ki jingpan jingtip u ma KL Pariat lyngba ka RTI na u PIO ka Jowai Municipal Board:

• Kaei ka daw kaba la pynmynjur ïa ka sorkar Meghalaya ban thaw ia ka Jowai Municipal board ha Jowai bad kaei ka aiñ kaba pynkupbor ia ka sorkar Meghalaya ban thaw ia ka Jowai Municipal Board.

• Hato ka JHADC ka la aibor ia ka sorkar Meghalaya ban thaw ia ka Jowai Municipal Board.

• Mynno la thaw ïa ka Jowai Municipal board ha Jowai.

• Ka jingthoh ba batai bniah shaphang ka kamram jong ka Jowai Municipal board, ka bor, u pud u sam ba kan treikam. Kumno la thung ia u Chairman ka Jowai Municipal board. Kaei ka kamram bad ka bor ka jong u Chairman ha ka Jowai Municipal board.

• Kiei ki shnong kiba hap hapoh u pud u sam ka Jowai Municipal

• Hato ka sorkar Meghalaya ba mynshwa ka la dep pynduh ia ka Jowai Municipal board. Lada ym don kum kata, balei ba ka Jowai Municipal board kam lah ban pynlong ia ka jingiajied ia ki nongmih khmat ba pura sha ka JMB. Balei ba ka JMB kam lah ban shna ia ki jaka bret nuit, bret jakhlia da kiba paka kiba ym ktah ia ka Mariang bad ka Meiramew. Kaei ka daw ba pynlong ia ka sorkar Meghalaya ban ym siew tulop sha ki nongtrei ka JMB man la u bnai.

Kiwei kiwei ki jingpan jingtip une u rangbah ki dei halor ka hukum NGT bad ki lad jingiada iaka wah Myntdu bad ki kam mukotduma ka Jowai Municipal Board nalor kiwei kiwei kiba iadei bad ban pyniaid shakhmat iaka municipal.