Kynthoh jur u nongtrei kam paidbah ia ki pulit Assam ba syntiat ia ki seng niam Khristan

Syllad | The Rising MeghalayaMay 17, 2024

Uwei u nongtrei kam paidbah u Cherian Momin u la kynthoh jur ia ka Tnat pulit ka Assam halor ka jingkynnoh halor ki jingleh kiba beain ban pynlong ka jingsyntiat ia ki seng niam Khristan kiba don ha Assam.

“Kum u nongtrei kam paidbah uba khmih ban pynneh ia ki hok bad ka jinglong kaba mar kumjuh, Nga pynrem jur ia kane ka jingleh jong ki pulit ka Assam bad dawa ba ki dei ban pynsangeh mardor ia kiba kum kine ki kam syntiat pyrshah ia ki kynhun seng niam Khristan. Na ka liang ki bor ba dei khmih ki dei ban bud ia ki nongrim jong ka jingburom ia ka jingngeit niam, ka jinglaitluid ban mane bad kiwei pat ki kyndon ba la pynkup bor da ki riti synshar khadar jong ka Ri ne Constitution,” ong u Momin lyngba u kyrwoh.

Nalor kata u la ong  ruh ba ka jingsyntiat bad lum jingkhein ia ki jaka treikam jong ki niam Khristan, kaba la leh hapoh ka jingbthah jong ka Police Headquarter ka dei ka jingpynkhein ia ka hok bala pynkupbor da ka riti synshar ka Ri.

Shuh shuh u la ong ba ka United Christian Forum (UCF) kala kren ia kaba dei halor kine ki kam bym shong hok, kaba pynman ia ki kum ki nongsyntiat bad pynpaw ia ka jingsngewkhia halor ka jingpynrit mynsiem klumar jngmut ia ki riewngeit Khristan baroh. Ka UCF kala phah ruh ia ka dorkhas sha u Deputy Commisioner ba dawa ban pynsangeh mardor ia kane ka kam bein jong ka Tnat pulit na ka bynta ka bha ka miat bad ka suk ka sin jong ki paidbah.