Kynthoh u Habahun Dkhar u kyrtong NPP ia u MLA Mowkaiaw ba nang ban kren tang ha Assembly

Syllad | The Rising MeghalayaAugust 22, 2022

U Myntri Rangbah ka Jylla uba long ruh u president ka National People’s Party (NPP) haka sngi Nyngkong u pynbna paidbah ia u Habahun Dkhar u MDC Saphai kum u kyrtong MLA ka NPP na Mowkaiaw Constituency ha ka elekshon 2023.

U Myntri Rangbah ula pynbna ia kane haka jingialang kaba pynlong da ka NPP West Jaintia Hills District ha Madan Khmut Wasain, Mowkaiaw.

U Habahun haba kren ha kane ka jingialang ula ong ba kiba bun ki ong ba u dei uba duna haka jingnang jingstad, hynrei ula iathuh pat ba ula pyndep iaka matrik bad um shym la pyndep iaka commerce bad ka diploma.

“Lada ong ki briew ba u (Habahun) u ba biej, hynrei ong iaki ailad ia uba biej ban trei da ka jabieng,” la ong u Habahun bad ula kynthoh ruh ia u MLA ka Mowkaiaw uba nang tang ban kren ha Assembly, katba ka kam pat ym don bad buh jingkylli lah ka ktien ne ka kam bad ki paidbah kiba wan haka jingialang kila ai ka jingthap kti bad ka jingkynhoi risa.

Ha ka jingkren u Habahun um shym la pynmih iaka kyrteng u MLA, hynrei ka jingkren jong u ka kdew ia u MLA ka Mowakiaw