Kyntiew kyrdan sub division noh iaka Laskein Block ong u MDC Mowkaiaw

Syllad | The Rising MeghalayaDecember 6, 2022

U MDC jong ka Mowkaiaw uba long ruh Executive Member jong ka Jaintia Hills Autonomous District Council u Winning Garland Sungoh ula ong ban suk ki paidbah nongshong shnong khappud Assam Meghalaya, ka sorkar Meghalaya kala dei ban kyntiew kyrdan noh iaka Laskein C&RD Block sha ka Civil Sub Division.

U Winning ula ong ia kane haka jingjurip iaka shnong Mukroh haka sngi ba ar hadien ba ula iohsngew iaka jingud jingnam ki paid nongshong shnong halor ka jingduh jong ki iaki ba bun ki kam pynroi na ka sorkar. Ula ong ba da ka jingkyntiew kyrdan iaka Laskein Block sha ka Sub Division kan iarap iaki paid khappud ban ioh iaka jingshakri kaba paka na ki tnad sorkar.

Also Read | Hiar jurip u CEM JHADC bad ka kynhun EC iaka shnong Mukroh pynthikna ba kyntur pud ka Assam

Ula ïathuh ba ka Laskeiñ Block kadei ka block kaba la rim bha hapoh ka Jylla naduh u snem 1973 bad lada kheiñ ïaka jingbun briew ka la kynjoh shaki lak ngut ki nongshong shnong, kumta ka por kala dei eh ban kyntiew kyrdan iaka sha ka Civil Sub Division.