Kyntu husiar ka Power Grid ia ki nongshong shnong ba pyniaid iaka lain bording Mawngap-New Shillong

Syllad | The Rising MeghalayaSeptember 6, 2023

U Dy. General Manager ka Power Grid NERPSIP, Shillong u pyntip sha baroh ki nongshong shnong ba ia ka 220 KV Double Circuit Mawngap – New Shillong Transmission Line yn sa pyniaid bording ia kane ka lain (line) ha kine ki sngi ki ban wan.

Kane ka line kan iaid na ka shnong Mawphlang bad lyngba ka shnong Mawngap Kharshiiing, Mawngap Lumparing, Kharnongwah, Mawreng, 12 Mer BC Umlympung, Laitkroh Nongthymmai, Laitlyngkot, Maweitnai, Mawtyllup, Madan Lyngdoh, Jalynteng, Nongkyndong, Nongkrem Rngikseh, Iewpomthiah, Nongkrem Kharbuli, Ur Masi U Joh, Lamlyer, Umphyrnai, Mawlyngngad, Mawshabuit, Sohryngkham, Mawpdang, Mawkynring bad Madan Saisiej.

Kumta la kyrpad ia baroh ki nongshong shnong bad ki briew kiba iaid ba ieng na katei ka lynti ba kim dei ban leit shajan katei ka line, lane ban kiew ha ki tower jong katei ka line bad ym dei ban rah kino kino ki tiar ba jrong h katei ka jaka ba iaid ka bording khnang ban lait na kano kano ka jingmynsaw lane ka jingjia ba sngewsih.