Kyntu iaki nongniah kali kamai ban ai tika khlam COVID-19

Syllad | The Rising MeghalayaApril 27, 2021

U President ka All Jaintia Tourist Commercial & Vehicle Association (AJTCVA) u Paila Kordor Lyngkot ula kyntu ïa baroh ki nongñiah kali ha rilum Jaintia kiba la dap 45 snem shaneng ba kin mih shakhmat ban leit ai injek tika khlam COVID-19 sha ki jaka ba la pynbeit da ka sorkar ban iada na ka jingpang COVID 19.

U Paila ula kyntu ïa baroh ki para nongñiah kali kamai ba kin deng ïaki mask bad ban buh ruh ïaki sanitizer ban pyndonkam hapoh ki kali lane ki sabon ban saitkti. La ban jur iaki nongniah kali ban lehkhuid bad nym bret pathar iaki jaboh jabain kat shaba lap ba shem bad bret ha ki jaka ba die ban bret.

Ula ong ruh ba ka Dunkin kala shong jingialang bad u Deputy Commissioner, West Jaintia u Garod LSN Dykes, IAS haka jingïadonlang u District Transport Officer, u District Medical & Health Officer bad u DSP ka West Jaintia nalor kiwei ki seng ñiah kali bapher bapher ka West Jaintia ban ïakren halor kumno ban khanglad ïaka jingpur jong u khñiang jingpang COVID-19 hapoh ka District.

Haba ïadei bad ka rukom thep passenger, baroh ki drivers kamai ki dei ban thep katkum ka capacity ba la buh da ka sorkar bad ïa ka bai kali ruh dei ban shim hapoh ka dor ba la buh da ka sorkar.

Kino kino ki driver ki ba shim kabu ïaki paidbah pyntip sha ki nongkitkam ka Association khnang ba yn lah ban leh ïaka ba donkam.