Kyntu ka Dorbar Chnong Iawmusiang iaki paidbah ban ïatreilang haka kynta Curfew

Syllad | The Rising MeghalayaMarch 26, 2020

Ka Dorbar Chnong Tympang Iawmusiang Jowai kala kyntu ia baroh ki nongshong shnong, nongshong dukan hapoh u pud u ang jong jong ka ban ïasnohktilang bad ki bor jong ka aiñ ha kum kane ka por ba ka jingiakhun pyrshah ban tem ïa jingpur bad ka jingiabit u khniang Coronavirus, kaba la ktah ha kylleng ka Pyrthei.

Ka Dorbar shnong kala maham ia baroh ba ha ki kynta ba pyntreikam ïaka curfew kumjuh ka jingkhang khyrdep kaba la khot da u Myntri Rangbah Duh ka Ri kaba la bthah ïa ki nongshong shnong baroh ban shong ha ïing bad ban kiar na ka jingiakhleh ha ki jaka paidbah ban pyndkut ïa u kynjri jong u jingpang COVID-19.

Ka Bor Shnong Tympang kala kyntu ruh ïaki nongdie jingdie naduh ki dukan haduh kiba die ha surok ban iatreilang bad ki nongshong shnong na kiwei ki dong ki shnong ruh ruh ban iatreilang da kaba kiar ban wan sha Iew Iawmusiang

Ka Bor Shnong lada ka lap ïano iano ba pynkhein aiñ kan pynshitom katkum ki aiñ shnong.

La kyntu ruh iaka bor synshar district jong ka West Jaiñtia Hills district kaba la pyntreikam ïaka curfew ban pynmih iaki jingpynbna kiba shai ba kan nym wanrah ka jingsngewthuh bakla ïa u paidbah baroh ka district.