Kyntu ka Dorbar Shnong Namdong A iaki nongdie nongthied jaka kim dei ban kyntur sha ki jaka shnong

Syllad | The Rising MeghalayaSeptember 22, 2021

Hadien bala mih ka kynrum kynram na ka jingrekomen u Dolloi Elaka Nongjngi Copiousness Daw iaka patta ban pynkylla sha ka LHC ha Khlieh Lamanang, ka dorbar shnong Namdong A kala rai ban pyndonkam ia kane ka jaka jong ka shnong kumba ju long bad kyntu iaki nongdie nongthied jaka ha katei ka jaka ba kim bit ban kyntur sha u pud ne ki jaka jong ka shnong.

U Secretary Shnong Namdong A u ma S Thubru, ula ong ba na ka liang jong ka dorbar shnong kala rai ban pyndonkam ia kane ka jaka ka shnong kumba ju pyndonkam naduh mynbarim.

Ka dorbar shnong ka kyntu ia u nongdie bad nongthied jaka ha Khlieh Lamanang ba kynthup ia u Ankur star Kympat bad ia u Romario Sungoh ba kim bit ban kam ia kane ka jaka ka shnong bad ki dei ban kam katkum ka jingheh ka patta jong ki khnang ban lait na kino kino ki jingkulmar.

U ma Thubru ula ong ba ka shnong kam don kano kano ka jingpyrshah ia kane ka jingthied ne jingiadie jaka hapdeng u Ankur bad Romario Sungoh, hynrei ula ban jur ba kim dei ban kyntur ne kam trai sha ki jaka jong ka shnong.

Kane ka kam iadie iathied jaka kala poi sha ka miej u RO JHADC bad la bthah ia u Dolloi elaka Nongjngi ban khot iaka village court ban pynbeit ia kane ka kam hapoh 15 Nailur 2021, pynban la kynnoh ba u dolloi ula leh bymsuidniew ia kane ka jingbthah u RO.

Ka shnong Namdong A kala ong ba ka jingheh ka patta kaba thmu ban kylla LHC ka don ka jingheh tang 4,548 Square meters, hynrei la kynnoh ba u dolloi recommend da ki phew acres kaba ka shnong ka pyrshah jur ia kane ka jngleh u dolloi Nongjngi.