Kyntu ka Dorbar Shnong Tympang iaki nongwan iew ban iatreilang bad ka bor District West Jaiñtia Hills

Syllad | The Rising MeghalayaMarch 27, 2020

Ka Dorbar Shnong Tympang Iawmusiang hadien ka jingpynjynsur u Deputy Commissioner, West Jaiñtia Hills District ïaka curfew bad ban ailad ban die dukan ïaki dukan mar bam mar rashon ïa ki paidbah lashai ka sngi 28.03.2020 naduh 9 AM haduh 5 PM kala kyntu iaki paidbah ban ai ka jingiatreilang bad ka bor district.

U Waheh Shnong jong ka Dorbar Shnong Tympang, u Ma Edystone Shylla ula kyntu ïaki nongdie bad ki nongthied ban ïatreilang bad ka bor district bad ban bud ryntih ïaki kyndon kiba la bthah ka tnad ka koit ka khiah ban nym ïakhleh ha ki jaka bun briew bad ban jngai 1 meter.

La kyntu ruh ia ki paidbah ban deng iaki jingdeng kah khmut kah ktien (mask) bad bud ryntih ïaki kyndon ban ïakhun pyrshah ïa u COVID-19.

U Waheh Shnong ula kyntu ba nalor ki pulit ki don ruh ki volunteer jong ka shnong kiba iarap peit naka bynta ban pyniaid beit iaka rukom die thied ki nongthied nongpet bad u trai dukan khnang ban nym mih kino kino ki jingklumar bad b aka jingjia kaba sngewsih iaki nongwan iew.