Kyntu ka HITO iaka MeECL ban pynbiang bording haki shnong ha Elaka Sumer

Syllad | The Rising MeghalayaNovember 6, 2024

Ka seng Hynniewtrep Integrated Territorial Organisation (HITO) kala kyntu iaka MeECL, Moowakhu ban pynbiang bording ha baroh ki shnong kiba hap hapoh ka Elaka Sumer, East Jaintia Hills District.

Ka HITO kala pynpaw ba ki paidbah nongshong shnong hapoh ka elaka Sumer kila ujor sha ka seng halor ka jingsynjor ki post bording naka daw ka jingsarang bad ka jingleh bymsuidniew ki nongtrei ban bujli iaki post light. Nalor kata iaki transformer bording ruh ka MeECL kala shu ieh khlem kino kino ki jingker kaba buh jingma iaka jingshngain ki mrad bad ku khyllung khynnah.

Ka HITO halor kane kala iakynduh ia u engineer ka MeECL Moowakhu ba dei khmih iaka Khliehriat Sub Division ma SK Iakai bad ai da ka jingthoh ban kyntu ban shimkhia ban pynbiang iaka bording bad ban maramot mardor iaki post light bad ker iaki transformer khnang ban lait na kino kino ki jingsngewsih.

U president ka HITO Lakaseiñ u Deibor Pakem ula kyntu iaka tnad ban pynpoi iaka bai bor ding man la u bnai khnang ba kan nym khia iaki paidbah ba thang bording ban siew iaka bill light haka por kaba biang.