Kyntu ka HITO Laskein ban shna iaka jingkieng Myntang

Syllad | The Rising MeghalayaMarch 1, 2024

Ka HITO Laskein Block Circle kala kyntu iaka tnad PWD Shangpung Division, Shangpung ban shna iaka jingkieng ha Wah Myntang Rymphum. Kane ka jingkieng ka don ha ka surok Laskein Barato, kaba hapoh ka Laskein Block.

Ka HITO kala wan iakynduh ia u Engineer ka PWD Shangpung Division haka 23 tarik Rymphang bad kala pynpaw ha u ba kane ka jingkieng ka donkam ban maramot haka jaka ba kan pynsiasoh bad ka surok ban shngain ka leit ka wan u paidbah.

Kumban shu pynkynmaw ba kane ka jingkieng kaba dei kaba la maramot teng da ka tnad PWD ha kine snem kiba la dep bad la khang ruh iaki trok ban kit palat pud ban iaid lyngba kane ka jingkieng.