State Reservation Policy: Kyntu ka JCCRP ban phah shuwa iaki jingai jingmut sha ka committee shuwa ban phah sha ka expert committee

Syllad | The Rising MeghalayaMay 30, 2024

Ka Jaintia Coordination Committee on Reservation Policy (JCCRP) ha kine ki khyndiat sngi kala shong pyrkhat halor ka jingpan kaiphot ka sorkar lyngba ka Expert Committe kaba khmih biang iaka State Reservation Policy 1972.

Ka JCCRP ka pyntip sha baroh ki ki nongshong shnong ka ri Jaintia bad la kyrpad iaki riew paitbah ki riew shemphang bad ki riew pawkhmat na ri Jaintia ba kin sngewbha ban thoh lang sha ka JCCRP shuwa ba kin phah shaka Expert Committee bad ki lah ong lada ngi pynmih shi bun tylli ki jingsngew ka lah ban wanrah jingklumar bad ka jingbym ia sngewthuh iaka jingdawa.

Kumta na ka liang ka JCCRP ka ong “lada don mano mano kiba kwah ban thoh lane ban pynsngew shaphang jingkwah ban pynkylla ia kane Reservation Policy ba kin sngewbha ban phah lem ka jingthoh sha ka JCCRP da kaba phah lyngba kine ki whatsapp number (7005806661, 7005264971, 6009914196) hapoh ka 10 tarik u bnai Jylliew (June) shuwa ba phah ska ka Expert Committee ha shuwa ka 15 tarik u bnai Jylliew.