Kyntu ka KHADC ia u Lat ka Jylla ban ai jingmynjur iaki bill ba dang sah

Syllad | The Rising MeghalayaAugust 18, 2023

Ka Khasi Hills Autonomous District Council (KHADC) haka jingialam u bah Pyniaid Sing Syiem kum u Chief Executive Member haka sngi Palei kila iaklynduh ia u Lat ka Jylla Phagu Chauhan ha Raj Bhavan Shillong.

Ha kane ka jingiakynduh u Lat ka Jylla u CEM ula pynpaw iaka jingsngewnguh ia u Lat ka Jylla uba la ai iaka jingmynjur iaka aiñ Khasi Hills Autonomous District (Establishment, Management, and Control of Markets) (Second Amendment) Regulation Act, 2021 bad kiwei kiwei ki bill jong ka council.

U bah Pyniaid haba kren sha ki lad pathai khubor ula ong ba ka expert committee kala pynphai ia ki 8 tylli ki ain rew ne bill ka konsil. Ula ong ba kila iohlad ban pynpaw iaka jingsngewkhia jong ki ha Lat bad ula iathuh ba marsien dep pynbeit ia kine ki ain rew kin phah biang ia kine ki bill sha u Lat ban un ioh buh iaka muhor jingmynjur jong u.

U Deputy  CEM Pynshngain N Syiem ula ong ba ka KHADC ka pynpaw iaka jingsngewnguh iaka sorkar MDA na ka bynta ban rekomen iaki bill bad ban phah sha u Lat ban ioh iaka muhor jong u.

Ula pynpaw ruh iaka jingsngewnguh iaka sorkar kaba thung iaka expert committee bad kino kino ki jingbymshai, kin ioh ban shong pyrkhat ryngkat bad ka council, ka sorkar bad ki law officer khnang ba ki bill kin ioh iaka jingmynjur, namar ka jingthmu hi ka long pyntreikam iaki aiñ katkum ka rukom.

Ula ong ruh ban shen kin pynshai bad phah biang ia kine ki bill sha ka DCA. “Ngi la kyntu ia u Lat ban ai iaka muhor ka jong u ia kine Bill jong ngi ban pynkhlain bor iaka u nongshong shnong da ka ain bad ym dei tang ki kam pynroi, hynrei ha kaliang ki ain bad ka rukom pyntreikam namar ha kine ki sngi khlem ka kyndon treikam, ka ain ngim lah ban iada ialade,” la ong u bah PN Syiem.