Kyntu ka KSU ia ki nongmihkhmat ban iarap ia kiba thngan

Syllad | The Rising MeghalayaApril 1, 2020

Ka Khasi Students Union (KSU) Laskein Circle ka la kyntu iaki nongmihkhmat ka Laskein Block naduh Ki MLA, MDC baroh ban leh eiei naka bynta ban iarap iaki baduk ba rangli kiba la mad iaka jingthngan bad jingsliang namar ka jingshah ktah naka Lockdown ba la pynbna daka Sorkar.

Ka KSU ka la kyntu jur iaki nongmihkhmat napoh ka thain baroh ban nym shongkli kti halor kane ka jingeh kaba ki paidbah ka thaiñ kaba kila kynduh, hynrei kumba ki la long ki nongmihkhmat paidbah ki la dei ban kner lem iaki kti jingiarap da ki marbam mardih khnang ba ki paidbah ba duna ka ioh ka kot kin nym shah ktah.

Ka seng ka la kwah ban buh jingkylli ruh halor ka jingjah jong u Nongmihkhmat ka thain jong ngi naka jingialang ki 7 ngut ki MLA napoh Ri Lum Jaintia.

“Ngi kum ki paidbah ka thain Laskeiñ Block ngi kwah ban tip ba shaei jah U MLA jong ngi ba u khlem wan shaka jingialang ki 7 MLA? Balei U Jah? Bad na kaei ka daw ba u khlem wan haba ka jingialang ka long naka bynta ban ia kren halor ka jingeh ka jong u paidbah baroh?” la ong u Samla Balawan Suchiang President KSU Laskein Circle