Kyntu ka KSU ia u Director NEIGRIHMS ban pynbiang doktor bad nongtrei

Syllad | The Rising MeghalayaAugust 4, 2023

Ka Khasi Students’ Union (KSU) Shillong Mihngi Circle haka 3 tarik Nailar hapoh ka jingialam u Jimmy Nongdhar, vice president ha ryngkat ka jingsynran lang u Celestine Rynghang assistant general secretary, Jeremaiah Pohthmi education secretary bad u Edmund Marboh assistant publicity ki lah leit ia kynduh markhmat ia u Prof. (Dr.) Nalin Mehta, Director ka NEIGRIHMS ban pynpaw iaki jingeh ki paidbah ba wan shah sumar namar ka jingduna doctor bad ki staff ha kane ka hospital

Ki nongialam ka KSU Shillong Mihngi Circle ha u kyrwoh ba kila phah kila iathuh ba naka liang jong u Director ula kular ban shimkhia bad ban pynbeit ia kine ki jingeh bad nangne shakhmat kan nym don shuh kum kine ki jingeh.

Ka KSU Shillong Mihngi Circle kala pynpaw ban kan iai buddien halor kine ki jingeh ki paidbah nongpang ha kane ka hospital tad haduh ba ka hospital kan lah ban ai ka jingshakri kaba pura.