Kyntu ka SAFF ia ka Sorkar ban aijingiada ia ki nongshong shnong bad khanglad ia ki kam iaumsnam

Syllad | The Rising MeghalayaApril 13, 2024

Ka Kynhun jong baroh ki jingngeit niam ha ka nongbah Shillong, ka Shillong All Faiths Forum (SAFF) haka 12 tarik Iaiong ka la pynpaw ka jingsngewkhia kaba jur ha kaba iadei bad ka jingjia shah pyniap ba dang shen kaba la jia ha Ichamati, Shella Block kumjuh hapoh ka shnong Mawlai Mawroh, Shillong.

Ka SAFF lyngba u kyrwoh ka buh ka jingkyrpad ia baroh ki nongshong shnong ba kin pynneh ia ka shongsuk shongsain hapdeng baroh ki nongshong shnong kiba shong ba sah hapoh kane ka jylla bad ban kiar na kino kino ki jingpyrshang ban wanrah ia ka jingiashun bad ki jingiaumsnam.

“Katba ngi dang iaid shakhmat ban pynkhreh ia kane ka Lok Sabha ilekshon ka ban wan, to ngin long kiba jai jai bad ban pynneh ia ka shongsuk shongsain. Ngi kyntu ia ka sorkar Jylla bad ia ki bor ba dei khmih ba kin ai ka jingiada ia ki nongshong shnong bad ban khanglad ia kiba kum kine ki kam iaumsnam ha ka jylla. To ngin pyniasoh lang ha ki jingduwai khnang ba ngin lah ban im ha ka suk ka sain,” ong ka Forum.

“Ka jingsuk ka dei ka dak kaba pyni ba U Blei u don ryngkat bad ngi. Lada ngi don ia u Blei ha lade bad hapdeng jong ngi lang kumjuh ruh kan don ka jingsuk. Ka jingsuk ka dei kaba U Blei u kwah ban ai sha ki briew bad ka longbriew manbriew. Ka long kaba shisha ba ngi don ia ki jingiapher, hynrei kane ka jingiapher hapdeng ka jingsuk.Kum ki nongialam ka kynhun jingngeit niam, baroh ki dkhot jong ka SAFF ki ieng na ka bynta ka jingsuk bad ka hok,” bynrap shuh shuh ka Forum.