Kyntu ka SBYWA ïa u MLA ka Sutnga Saipung ban iarap iaki shnong khappud Bangladesh

Syllad | The Rising MeghalayaApril 29, 2020

Ka Seng Southern Border Youth Welfare Association (SBYWA), Elaka Rymbai & Lakadong, East Jaintia Hills District, ha u kyrwoh ba kala pyllait u S. Shadap, President ka seng ka la kyntu ia u MA Shit Pale MLA Sutnga -Saipung Constituency ban iarap pynpoi kloi ia ki lad jingiarap sha ki shnong khappud India Bangladesh ba kynthup Hingaria, Huroi, Leijri, Leilong, Borsara, Kwator, Borkhat,bad kiwei kiwei ki shnong ha khappud.

U kyrwoh ka SBYWA, u ong ba kine ki shnong ha khappud India Bangladesh ki donkam kyrkieh iaki lad iarap khamtam ki marbam ha kane ka jingkhang khyrdep (lockdown) na ka bynta ban iakhun pyrshah ia ka khlam COVID-19.

Ha ka juh ka por ka seng ka la pynpaw ia ka jingsngewnguh bad ai khublei kyrpang ia u Kyrmen Shylla Myntri Sorkar bad u MLA ka Khliehriat u ba la iarap da u khaw sha ki shnong bapher bapher jong ka thaiñ khappud kynthup naduh ka shnong Lakadong Ummat, Ladlakadong, Lakadong Umlatdoh, Umlyngsha, Bataw, Pynurkhba, Iapmala bad kiwei de ki shnong hapoh ka constituency Khliehriat kaba la kham pynsuk ïaki paidbah ban ioh ki marbam ha kane ka por ka jingiakhun ban lait na ka jingpynphriang iaka khlam

Ka SBYWA ka kitbok kitrwiang ia u ban ioh ia met kaba koit ba khian khnang un dang lah shuh shuh ban iarap ia ki paidbah hapoh ka thaiñ.