Kyntu ka SWSRJ ban ïakhun pynduh ïa u drok bad ka kyiad beaiñ

Syllad | The Rising MeghalayaSeptember 17, 2019

JOWAI: Ka Synjuk Waheh Shnong Ri Jaiñtia (SWSRJ) haka dorkhat kaba kala ai ha u Superintendent of Police West Jaiñtia Hills District u Bah Lakador Syiem MPS haka sngi Nyngkong kala kyrpad ia u ban shimkhia ban khanglad bad ban tehlakam ïaka jingjur ka jingkhaii drok bad kyiad beaiñ hapoh ka District.

Ka SWSRJ kala kyrpad ïa u SP West Jaintia ban ïaleh shitom ban khanglad bad ban teh lakam ïaki nongdih bad nongdie drok, kynja, kyiad bad kiwei kiwei ki jait jingdih pynbuaid kiba kynrei bha mynta ha kaba bun ki samla kila ngop haka jingkyrni kaba la ktah bha ïaka imlang sahlang.

Ka SWSRJ kala bna jur ruh ïa u SP ban shimkhia ban peit ïaka jingshah lehbein ki kynthei khynnah haka ki riew shimkabu.

Kiwei kiwei ki mat bala pynpaw ka SWSRJ ka dei ban shimkhia ban peit ïaka jingwan rung beaiñ ki bar jylla sha kane ka District bad ban pynjur ïaka jingkhynra namar lada ïoh u mynder ban rung tuh kan ktah ïaka District bad ka Jylla.

La kyrpad ruh ban buh ïaki Police Outpost ha ki jaka kyndong tam khamtam haki jaka khappud ka Assam bad Meghalaya bad kumjuh Border Bangladesh.  Bad ban pynsngew sha ki bor ba halor ha kaba iadei bad ka jingshong suk shong shngain ki jaka khappud bad kiwei ki Jylla.

Ban kham pynjynsur ïaka aiñ niah kali ha sor Jowai haka por leit on bad shaw skul ïaki khynnah skul bad kyrpad ban shah bad ai lad ïa ki kali ba kit iaki khynnah skul ba leit on skul ban ïaid shuwa ha ki jaka ba kylluid ka surok ban lait na ka jingslem skul ki khynnah skul.

Ban pynïaid kali ïaki surok by pass haka por long skul bad skul ha Jowai ban pyllait na ka jingdheng kali.

Shuh Shuh ka SWSRJ kala kyrpad ïa u SP ban shimkhia ban peit halor ka jingud jingnam ki shnong haka por mynmiet khnang ban wanrah ïaka shongsuk shongsain ki shnong ki thaw bad ban ïarap bad aibuit ïaki VDP

Ka SWSRJ kala pynpaw ruh iaka jinglong la kloi ban ïatreilang bad ka tnad Pulit ban iarap pynsuk ïaki pulit ha kino kino ki kam..

Ha kane ka jingleit ai dorkhat ka SWSRJ la ïalam da u ma Army Lipon President, Kmenlang Shylla General Secretary  bad kiwei kiwei.