Kyntu ka synjuk waheh chnong Jowai ban sangeh iaki online housie haba long fete shnong

Syllad | The Rising MeghalayaOctober 3, 2024

Ka Synjuk Waheh Chnong Jowai, kala kyntu ia baroh kiba pyniaid iaki online housie ba kin ai ka jingiatreilang bad ka synjuk ban kin pynsangeh ne pyniapher por ban pynlong iaki jinglehkai housie haba long ki fete shnong ha sor Jowai.

Ia kane ka rai la shim haka jingialang kaba dangshen jong ka synjuk namar ka ktah iaka iew fete jong baroh ki shnong kiba pynlong iaki fete.

“Ka Synjuk Waheh Chnong Jowai, kam pyrshah ia kamai kajih jong ki nongshong shnong, hynrei ka shim iaka sienjam ban kyrpad iaki nongpyniaid iaki online housie ban pyniapher iaka por ne ban pynsangeh ban pynlong haka por ba long fete jong ki dorbar shnong haka sor Jowai,” ong u kyrwoh bala phah da u ma Riquoma RQ Laloo, secretary Synjuk Waheh Chnong Jowai bad bynrap ba katkum ka report ba la ioh la lap ba ka don ka jingktah ki online housie namar ba ki nongialehkai ki iabeh iaka dor bad ka pynsuk iaki ban ioh ialehkai nala iing.