Kyntu ki Khon Khynroo Saphai ban pyllait iaka kamai kajih bad ka Assam

Syllad | The Rising MeghalayaOctober 12, 2020

Ka Khon Khynroo Saphai-B ryngkat ki katto katne ki rangbah nongshong shnong haka sngi Nyngkong ki la leit ban ai dorkhat sha u Deputy Commissioner ka West Jaintia u Garod LSN. Dykes, IAS ban pyllait iaka surok Pasyih-Garampani ka ban leit sha Assam.

“Ka jingkhang iaka surok Pasyih-Garampani ka ktah shibun eh iaki paidbah ba rep ba riang, kiba khaii pateng, kiba kamai jakpoh bad kiwei kiwei de na shapoh Assam”, ong u Rihokmi Biam President KHS.

Ki nongshong shnong jong ka Shnong Saphai ki ju leit die leit thied sha Lai Kilo ka iew ba jan duh kaba don ha Dima Hasao District

Ha kaba iadei bad ka jingkyrpad jong ka Khon Kynroo Saphai-B, na ka liang u Deputy Commissioner, WJH ula ong ba un iakren haka 20 tarik mynta u bnai bad u DC ka Dima Hasao District, Assam ban iakren halor kane ka bynta.