Kyntu KSU Nangbah ban maramot iaka surok JNKK

Syllad | The Rising MeghalayaDecember 11, 2021

Ka Khasi Students’ Union Nangbah Unit kala dawa na ka tnad PWD ban maramot iaka surok JNKK kaba la sniew bad jot ha shilynter ka surok.

Ka KSU haka jingialam u Morningstar Pasi president bad u Sundayborn Thubru organising secretary ha ryngkat ka jingia synranlang jong u Ohibait Dkhar President KSU Jaintia Hills District Unit haka 8 tarik une u bnai kila leit ia kynduh ia u Superintending Engineer PWD Rds Jowai Circle, Jowai ha ka ryngkat ka jingthoh ban kyntu ia u ban ban maramot ia ka Surok J.N.K.K naduh 0-7 KM.

Ka KSU kala pynkynmaw ruh ia katei ka surok dang shu dep ban maramot (repaired) dang mynshem snem, hynrei kaba sngewsih ka long ba kane ka surok nangsniew shuh shuh.

Ka KSU kala ong ba kane ka surok ka pyniasoh ym tang iaka shnong ka Nangbah hynrei ka dei ka surok ka ba ia iaid lang da kiba bun ki shnong kiba marjan. Na kaliang u engineer ula ong ba u phah ia u SDO ban leit jurip ia kane ka surok.