Kyntu u BDO Laskein ban ym ia sam iaki khubor lamler haki social media

Syllad | The Rising MeghalayaFebruary 21, 2023

U Block Development Officer (BDO) Laskein C&RD Block u Ma B Niang ula kyntu iaki nongshong shnong ka Mowkaiaw Constituency baroh kawei ba kim dei ban pynsaphriang iaki khubor ba ialam bakla sha ki social media ne khubor paidbah halor ki skim sorkar bad ki kam pynroi kiba la theh sha ki shnong bapher khlem ka jingtip ba thikna.

U BDO ula ong ba ula ioh pdiang iaka report ba ka don ka jingpynsaphriang iaka kam pynroi lyngba ki MLA, MP bad na kiwei kiwei na skim kiba pyllait na ka ophis u BDO Laksein ki bym iahap ka jingkhein jingdiah bad ki jaka bala pynlut iaka pisa sorkar kaba la ialam bakla bad pynsngewthuh bakla ia u paidbah nongshong shnong.

U BDO ula ong ba kane ka khubor ka dei kaba thok bad la shna pynwandur da kumwei bad kam iahap satia bad ka rukom pynlut iaka pisa kaba la mang ki MLA, MP bad kiwei kiwei. Kino kino kiba kwah jingtip ba thikna haka rukom pyntrei iaki skim sorkar ki lah ban wan ha ophis u BDO haka por longtrei ban ioh jingshai.

Kumta ha kaba iadei bad kane ka jingiasam sha ki social media la kyntu ia baroh ba kim bit ban pynsaphriang ia kum kine ki khubor ki kiba ialam bakla bad pynsngewthuh bakla ia u paid nongshong shnong bad kino kino kiba leh pyrshah, ka ophis kan shim iaki sienjam katkum ki kyndon jong ka aiñ.