Kyntu u DC ban bud iaki jingbthah ka IOC ban shngain

Syllad | The Rising MeghalayaJuly 26, 2023

Kakkum ka shithi bala ioh pdiang na ka Indian Oil Corporation Limited, Guwahati Ref:GIDO/MGL/DOM/MI-3, Dated 16-06-2023, ka la ai jingmut ia baroh ki nongpyndonkam tyndong LPG ba kin pyndonkam ia ki tiar Gas da kiba don ia ka Marked ISI bad ruh ban bujli ia u Pipe (Hose Pipe) manla laka 5 snem na ka tarik ba shna (Manufacturing date).

Kumta ka ophis trei kam u Deputy Commissioner Supply ka kyntu ia baroh ki pyndonkam LPG ban bud ia ka jingbthah kaba donkam khnang ban ioh ia ka jingshngain (safety) ha ki longiing longsem jong phi bad ruh ia ki ba ker sawdong baroh.