Kyntu u Paul Lyngdoh ya ka HNLC wym toh u ran dien ki nei klam yasuk wa ka Sorkar

Syllad | The Rising MeghalayaJanuary 5, 2024

U Nongektien ka MDA II, Ma Paul Lyngdoh waman leh heijooh i por u Montri ka Sorkar, ha kani ka 5tarik Duiatra 2024 da kyrpad joor u ya ki yahkhmat ka HNLC wym toh u randien ki nei klam yasuk wa ka Sorkar.

Neiliang u Paul Lyngdoh da ong u leh kat kam wa man hadooh katni ka Sorkar sniaw ko ya kani kani ka khubor chawah chanein du na ki lad pathai khubor donhi katwa dei jingthoh wan ym em u phah ki cha ka Sorkar kamtae ym ye u ong ini iwa sakhiat nae mo I danda.

Hajrong kani ka khubor neiliang iong-o ym ye ware u wow chim rai nae u batai neibhah kat kam wa man katni U Conrad K Sangma, Chief Minister ka Sorkar deilang u Prestone Tynrong, Deputy Chief Minister ka Sorkar watoh u peit ya ka Home & Police Department dang em ki chabar ka Jylla, han la kattae leh kyrmen yooluti u wa man dawan ki neiliang ka Sorkar daw chimkhia ko u leh yei wa emkam.