Kyntu u Pope Francis ban duwai lang ban ïada na u khniang Coronavirus

Syllad | The Rising MeghalayaMarch 24, 2020

U Kpa Bakhuid, u Pope Francis, u khot ia baroh ki Khristan sha ka jingiaduwai lang bunsien ha ka shi sngi ia Ka Jingduwai jong u Trai ne ka jingduwai Ko Kpa jong ngi Uba ha Bneng ban kyrpad ïa U Blei ban iada ïa ngi na ka jingpang kaba phriang na u Corona Virus.

Ha ka Sngi Balang, 25 tarik u Lber, 2020, Ka Balang Katholik ka rakhe ia ka Sngi Khraw jong ka Jingpynbna u Angel ha ka Maria Theisotti. U Kpa Bakhuid u khot ia ngi ban ia duwai lang bad u la ka jingduwai Ko Kpa jong ngi Uba ha Bneng ha ka por 4.30 pm.

Ha ka Sngi Thohdieng, 27 tarik u Lber, 2020, ha ka por 10.30 pm, u Kpa Bakhuid un pynlong ka jingduwai kyrpad ka bakyrpang ha ka lingmane Bah u Petrus Bakhuid ha Rome. Yn don ka jingshahshkor ia ka Ktien U Blei bad ka Jingmane Sakrament. Ha ka bakut u Kpa Bakhuid un ai ka jingkyrkhu ia ka Nongbah bad ia ka Pyrthei (Urbi et Orbi), ia kaba la pyniasoh bad ka jingpynjem ka badap.

La kyntu ia parabangeit ka Balang Katholik ban iasoh mynsiem ha kane ka jingduwai lyngba ki lad pathai khubor, ne ha kano kano ka rukom bakynja mynsiem bad shaniah ha ka jingisynei U Blei.