Kyrpad rit u ma Winning ïaki nongshong shnong Mowkaiaw ban don ka mynsiem ïa map kylliang

Syllad | The Rising MeghalayaMarch 3, 2019

JOWAI: U Winning Garland Sungoh uba la jop MDC sa shi samoi ula kyrpad rit ïaki paidbah nongshong shnong ka Mowkaiaw ban don ka mynsiem ïa map kylliang khnang ban wanrah biang ïaka jingshong suk shong shngain ka Mowkaiaw Constituency namar ba ngi don beit ka jingïadei hadpeng para nongshong shnnong haka (Le Mow) baroh kawei.

U Ma Wining hadien ka jingjop jong u, ula pynpaw ka jingsngewsih halor ka jingjia shah lun maw ki ïing ki sem bad ki shah pynjulor ki kali motor jong ki nongshong shnong ka Mowkaiaw kaba la jia haka 02 tarik une u bnai.

“Ka Election kala kut ngi la dep ïakhun baroh arliang ngi la pynpaw ïala ka nia ka jutang bad kila don ruh ki jingjia ïa pyni bor khnang ban poi sha ka thong, hynrei mynta ngi dei ban ïatreilang noh naka bynta ka bha ka miat ka thaiñ, ka jaidbynriew bad ka ri”, la ong u ma Winning Sungoh.

“Nga ruh ngan ym peit shilliang khmat ïano ïano la ki nongshong shnong ki kyrshan ne pyrshah ïa nga ha kane ka election namar ki don ka hok ban jied ïano ban pyrshah katkum ka riti synshar ka Ri, kumta namar ba nga la jop nga kular ban peit ïa baroh ka Mowkaiaw da kawei ka sur kawei ka dur”, ula ong u ma Winning haba kren bad u syllad.

“Nga kyrpad rit ïaki nongshong shnong, nongialam shnong jong ka Mowkaiaw ba kin sngewbha ban ailad ïaka shongsuk saiñ kan wanphai biang bad map noh ïaki briew kba la pynsngewsih ne pynmong ïaki”, Ula ong u MDC ba thymmai ka Mowkaiaw.