Kyrpad u president warim ka Seinraij Jowai sha waroh hei iatoh ka Meghalaya Games

Syllad | The Rising MeghalayaJanuary 18, 2025

U president warim ka Seinraij u ma OR Shallam sñiawngooh u ia ka Sorkar wa iiah khmat u CM Conrad Sangma wa wanrah u iaka6 Meghalaya Game ha West Jaiñtia Hills, ha Jowai wa Wahiajer.

Da kyrpad ia waroh ki nong chong chnong u ia em bynta lang ioh u man i kam wa jop sakhi ia waroh ki ki ialehke ioh u ioh mynsien ki nong ia chimbynta. “To yn pynyoo i ki i mynsein  pdiang burom ia waroh ki wa wan na jan na jngai dei suh rkhai,” ong u ma Shallam.

Da kyrpad ia District Administration, ki Organiser iong kani ka ialehke, waroh ki wa em bynta ha ki wabun ki event, khamtam ia ki toh wa ka security ki officer incharge, police ia ka traffic, ka um, bording, transport, JMB wa kiwi ki Department, ki Waheh Chnong, ki khon ka District wa em bynta u pynbiang thawsah, ka bam ka dih, ka medical wa em kam bha wow leh iwa bha tam wow neh ka burom ka Jowai

U ma Shallam da ong “To un ia ksoh kti lang i wa ki nong pyllai ioh u man ka 6 Meghalaya Game ka wajop wa i emburom.  Khnang wa na kani u ioh bhah wan I u pdiang ia National Games ha ki snem wow wan. Ka jop ka rem chong ha nga ha phi khlem ia kdaw kti u wi ia u wi kawi ia kawi. To buh i ka thong ka wabha ha khmat ka pyrthai. Ym hoi u ioh ki nong wan sakhi u rah dei wa um sñiaw tarat u ap man da mih ki neini.

To yn ia ksoh kti lang i wa ki nong pyllai ioh u rah ia iburom ka jaitbru Pnar kam wa dang na chwa. Im slem ri Jaiñtia, Meghalaya.”