Kyrshan ka Dorbar Shnong Mihmyntdu ïa u Brighstar Chyrmang u kyrtong NPP

Syllad | The Rising MeghalayaJanuary 20, 2019

Jowai: U ma Brightstar Chyrmang ula ïoh ka jingkyrshan kaba pura naka Dorbar Shnong Mihmyntdu bad ki paidbah nongshong shnong  ban ïakhun ïaka MDC elekshon sha ka ïing Dorbar Thawaiñ ka JHADC naka 17-Jowai North MDC Constituency.

U Ma Brightstar Chyrmang u dei u nongïalam barim ka JYF bad un ïakhun ïaka MDC naka party National People’s Party (NPP). 

U dei u kyrtong monlang jong ka Dorbar Shnong Mihmyntdu bad kala rai ban pynieng elekshon ïa u hadien ba ula jop ïaka elekshon hapoh shnong kaba pynlong da ka election committee jong ka shnong haka 28 Naitung 2018. Haka sngi Saitjain (19/1/19), ka Dorbar Shnong Mihmyntdu kala khot ka jingïalang paidbah bad da kawei ka sur la rai ban kyrshan tylli ïa u Brightstar ba un jop haka MDC elekshon. 

Ka Mihmyntdu kaba don haduh khyndai tylli ki kyntoit ba kynthup ïaka Loompyrdi, Lumchyrmang, Lumpyrtuh, Riatsaliya, Mookymphad, Lumchyrmit, Khliehmyntang, Salini Colony bad ka Moomon. Ki don haduh palat 3873 ngut ki nongthep vote.