Kyrshan ka FKJGP iaka jingiakhih ki Waheh Chnong Jowai halor ka jingsahkut ki ñiut ha Iawmusiang

Syllad | The Rising MeghalayaAugust 10, 2021

Ka Federation of Khasi Jaintia and Garo People (FKJGP) Jaintia Hills Zone kala ai ka jingkyrshan kaba pura ïaka jingiakhih jong ka Synjuk Waheh Chnong Jowai halor ka jingdawa pynkynriah ïaki ñiut bas ma iwtung kiba la lumthup ha Iawmusiang bad Iawthymme, Ladthadlaboh

U Ricky Shylla, general secretary FKJGP Jaintia Hills Zone, ula ong “Ngi ai ka jingkyrshan kaba pura iaka Synjuk Waheh Chnong Jowai halor kane ka jingdawa ban kynriah ïaki ñiut na sor Jowai,”

“U MLA ka Jowai bad u Myntri ka Tnad Urban Affairs imat kim iohi ia kane ka jingeh ka sor Jowai. U MLA ma Wailadmiki Shylla ula heh nia tang ban kyntiew kyrdan iaka Jowai sha ka Smart Town bad ka jingwanrah iaka Mini Secretariat, katba ki jingeh ki dang bun kiba kynduh mawsiang ka ka Jowai,” la ong Ricky Shylla  

Ka FKJGP kala pynrem jut ia u myntri ka tnad Urban Affairs ma Sniawbhalang Dhar halor kane ka jingbym larkam ka tnad ban pynjem iaka jingeh u paidbah.

Ka FKJGP kala dawa na u MLA Jowai bad u Myntri ka tnad Urban Affairs ban pynbeit mardor ia kane ka jingeh bad ban wad ki lad ki lynti ne ki sienjam kiba iaineh junom ban pynsuk ia u paidbah bad ban pynlong iaka Jowai kaba khuid kaba suba.