Kyrshan ka JSU iaka jingiakhih ka JHTOA

Syllad | The Rising MeghalayaOctober 18, 2021

Ka Jaiñtia Students’ Union (JSU) kala ai ka jingkyrshan kaba pura halor ka jingiakhih jong ki trai trok hapoh ka lama jong ka Jaintia Hills Truck Owner’s Association (JHTOA) pyrshah iaki karkhana dewbilat ha Rilum Jaintia.

Ka JSU kala rai ban ai jingkyrshan iaka JHTOA kala pynpaw iaka jingeh sha ka JSU halor ka jinglehbor ki karkhana dewbilat bad kila iuroit iaka hok kamai kajih ki trai trok ki trai ri trai muluk, la ong Treiborlang R Suchen, general secretary JSU.

U Treiborlang ula ong ba ka JSU ka ai iaka jingkyrshan kaba pura iaka JHTOA namar ba ka jingiakhih jong ka kalong kaba don nongrim bad ka jingthied trok ki karkhana pynmih dewbilat kala ktah shikatdei eh iaka kamai kajih ki trai trok kaba la ktah iaki ban siew iaka ram sha bank.

Kumban shu kynmaw ba ka JHTOA kala dawa ban pynneh iaki Godown ne ki jaka buh cement ha Byrnihat bad ban pyntreikam iaka dor bai kit thymmai haka dor T.7 shi km ha jylla.

Ka JHTOA hadien ka jingleh kuman ka karkhana dewbilat ban pyntreikam ia ka dor thymmai bad ka jingpynneh iaka jaka buh cement ha Jylla kala khot jingiakhih lada ym urlong ka jingdawa jong ka naduh 20 tarik une u bnai.