Kyrshan ka KSU iaka dorbar shnong Wapungskur ba ieng pyrshah iaka karkhana sain rnga dewiong

Syllad | The Rising MeghalayaApril 3, 2025

Ka KSU Wapung Unit kala pynpaw iaka jingkyrshan ka ba pura iaka dorbar shnong Wapungskur halor ka jingieng pyrshah jong ka iaka karkhana sain rnga dewiong ne coke plant ha Wapungskur.

Katkum ka jingbit ne NOC ban shna iaka karkhana- kaba la tip kum ka Consent to Establish la ai sha kawei ka company – ka Om Om Coke ban pynmih ia u rnga dewiong – LAM Coke Manufacturing Unit haduh 24 hajar metric tonne shi snem haka jinglut ka T.4 klur 50 lak.

Ka KSU kala pynpaw ba kumba ka ieng haka nongrim ban iada iaka khyndew ka shyiap ka ri, mynta ka kynti ruh ka ieng haka nongrim ban pyrshah ia kum kine ki jait karkhana bad ai iaka jingkyrshan kaba pura iaka dorbar shnong Wapungskur-kaba dawa ban pyndam mardor ia kane ka karkhana.

Ka KSU kala dawa ruh naka Meghalaya State Pollution Control Board (MSPCB) ban pynduh pyndam shisyndon iaka CTE (Consent to Establish) bad ban ai kiwei pat ki jingbit ia kane ka karkhana.

Ka KSU ha ki snem ba la dep ka la ujor iakawei naki coke plant- kata ka Abhi Coke kaba don ha Mookhep sha ka MSPCB, hynrei haduh mynta ym don satia kino kino ki dak ki shin ban khanglad ne pyrkhing iaka jingmih jakhlia kane ka Coke plant, la ong ka KSU bad bynrap ba kan iai buddien halor kane ka kam bad kan shim ki lad ki lynti ba kham eh.