Kyrshan ka MPUF iaka jingdawa pynkynriah iaka PWD North Division

Syllad | The Rising MeghalayaJuly 1, 2020

Ka Meghalaya People United Front (MPUF) Laskeiñ Circle, ha u kyrwoh ba la ai da u P Suiam President, ula pynpaw ka MPUF ka ai iaka jingkyrshan ba pura ia ka jingdawa jong ka Synjuk ka Dorbar Shnong Shangpung, ban pynkynriah noh ia ka tnat treikam jong ka PWD North Division Jowai sha ka shnong shnong Shanpung West Jaintia Hills District.

“Ki ba bun ki surok bad ki jingtreikam jong ka PWD North Division ki hap hapoh Laskein Block, lada pynkynriah ia kane ka tnad treikam na Jowai sha shnong Shangpung ruh ym tharai ba kan don kano kano ka jingeh, hynrei kan pynjan shuh shuh iaki engineer bad nongtrei ban don hajan ki jaka treikam jong ki,” ong u kyrwoh bala phah da u Suiam

Ka jingwan kane ka ophis ha Shangpung kan pynsuk ym tang ia ki nongtrei ka PWD North Division, hynrei khamtam eh ia ki paidbah kiba donkam ia kane ka ophis namar ba bun hi ki kam jong ka dei bad ki padibah jong ka thain Laskein Block.

Ka MPUF- Laskeiñ Circle kala pynpaw ba ka ai ka jingkyrshan kaba pura iaka jingdawa pynkynriah iaka PWD North Division Jowai sha Shangpung.